林峯及古天乐分享男儿泪的经历。
【点新闻报道】男儿有泪不轻弹，硬净的古天乐最近因一张相片流泪，更感要珍惜眼前人。
彭秀慧主持的ViuTV节目《晚吹-Chat KP》请来电影《寻秦记》两位主演古天乐、林峯，今集话题为「男儿泪」，更分享「现实生活中最近一次喊」的经历，古天乐说是两个礼拜之前的事：「个日我妈生日，同我妈食饭，咁影咗张相，影完之后我望住张相望咗好耐，我觉得我好少post我屋企人啲相出去，上一张应该有成十几年前都有，望住张相就觉得，咩叫珍惜眼前人。依几年无论系疫情定战乱，突然间个世界好似变得好紧要，但点变都好，唔识珍惜眼前人系一个好大慨问题，依部戏都有讲『过去慨嘢我地无办法改变，但眼前嚟紧慨嘢我地可以珍惜』，睇吓睇吓张相就突然有啲眼泪流出嚟。」
林峯拍《寻秦记》曾真情流露。
林峯分享对上一次喊是几个月前想起家人，不过前阵子到台湾宣传电影的日子亦令他感慨万分，古天乐笑问：「攰到喊啊？」，林峯回应：「OK啦，开心慨。」林峯补充自己未试过去台湾谢票：「可能咁多年嚟，其实有好多各地支持我作品或音乐慨人，渠地会嚟睇我演唱会，但我终于去到渠地慨城市，见到渠地咁多年，可能讲紧二十年以上慨个份支持，我会谂返起，我个演艺事业慨原动力都系源自渠地。」不过，他指跟开演唱会的感动有不同。他说：「歌手可能舞台上可以直接面对到观众，演员拍野都系同同事匿埋一齐，唯一可以同观众接触就系谢票，所以系好感动。」
古天乐罕有上载妈咪生日相，竟触动他流泪。
古天乐又指谢票时见到好多四五岁左右的小朋友，他问小朋友有否看过电视剧：「渠地话无，不过话睇完电影会走去睇电视剧，依样嘢我系无谂过，因为依家啲小朋友可能无咁好耐性，嗰时啲电视剧40集，真系要煲㗎，哇渠地竟然睇晒。」