江美仪憑《名媛望族》吵架戲翻hit，獲網民大讚。她接受陳志雲的網上節目訪問，笑稱：「我俾人鬧咗十幾年㗎嘛，突然間有一日起身，個個唔鬧你喎，跟住仲要讚你，仲要搵晒你所有嘅廣告、以前啲戲嚟讚，我直情覺得自己係咪去咗另外一個空間。」 2022年她憑《下流上車族》奪視后，本以為事業高峰，她卻坦言「攞完視后就冇劇拍」。雖然2023年她有兩劇《隱形戰隊》及《羅密歐與祝英台》播出，但都是封后前開拍的。她說：「到今時今日，我都唔知我得罪咗邊個、為咩事、得罪嘅原因係乜嘢，完全都唔知。」 【搵錢機會愈嚟愈少】 當時她零收入，直言：「視后真係『事後』呀，真係冇嘢做，呢個係怪。個市唔係咁好，搵錢機會愈嚟愈少，然後銀行啲錢愈嚟愈少！我係簽部頭，冇月薪嘅，我都要生活，咪向外求囉。最雞捱嘅時候，我上去（大陸）做直播囉。你勤力嘅話，其實係搵到食嘅，我又唔想真係搬上去（住）。同埋我真係心底話，其實我真係鍾意拍戲嘅，我真係鍾意漢戲。」 她自嘲不是「親生女」，跟TVB只是簽部頭約：「我哋係雙方協議咗一個部頭就要有幾多個騷，咁你就必須要有咁嘅騷。我冇要求做主角，但起碼我要咁多個騷，唔係打散嚟計騷。」她自言本身人工低，哈哈大笑謂：「張糧單，請工人都你唔好攞出嚟！ 嗰時真係好平。」 儘管面對挑戰，但現年54歲的她懷着盼望向前，還有很多東西想嘗試，只想繼續拍戲，希望不斷有機會演下去。 #江美仪[话题]# #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#