46歲的前TVB小生吳卓羲（Ron），1998年入讀TVB第7期舞蹈藝員訓練班，2000年再入讀TVB藝員訓練班並簽約成為旗下藝員，之後被安排拍攝《大唐雙龍傳》、《衝上雲霄》、《學警》系列等經典劇集。近年，佢專注喺內地市場發展，憑真人騷《披荊斬棘2》和《大灣仔的夜2》人氣急升，帶挚密密接 Job吸金力強。 吳卓羲（Ron）最近忙於拍攝重頭劇《璀璨之城》，近日有網民喺社交平台分享阿Ron喺珠海開工時嘅一段暖心事件。 從網民分享可見，Ron收工時為探班嘅粉絲簽名，一手揸筆一手抱住一隻貓貓，仲用慈父聲線問貓咪：「你來簽嗎？」而貓貓狀態非常放鬆，顯然好信任阿 Ron。原來呢隻貓係阿Ron喺當地拍劇時遇見嘅流浪貓，網民仲見到有工作人員拎到寵物專用航空箱，估計係阿Ron要將貓貓帶返香港。唔少網民睇完片後都留言大讚：「吳卓羲好會抱貓」、「果然有愛心的人都帥」、「太加分太帥了！」 其實阿Ron 火爆、衝動一面只係過往劇集形象，現實中係一位愛寵之人，飼養嘅11隻貓及4隻大狗全部都係領養，早年更曾發起生日應援集資，為流浪貓狗機構眾籌，好有愛心。 cr：TVB 娛樂新聞台 #港剧分享[话题]# #港剧推荐[话题]# #港剧经典[话题]# #tvb港剧[话题]# #港剧[话题]# #tvb[话题]# #TVB港剧[话题]# #吴卓羲[话题]# #薯条[话题]# #薯条助手[话题]#