前港姐冠軍陳庭欣（Toby）早前與拍拖八年的「十億男友」楊振源（Benny）分手，雖然外界總以「豪門夢碎」來形容，但陳庭欣昨日（9日）現身TVB盆菜宴時神采奕奕，似乎已走出陰霾。陳庭欣接受《香港01》訪問時坦言仍未完全收拾心情，所以未有心理準備接受下一段戀情。 近日傳出陳庭欣與《東張西望》男神曾錦燊的緋聞，她隨即澄清兩人其實認識多年。早在曾錦燊加入TVB前，二人已在船P認識。陳庭欣憶述當時對方還是個內斂的「訓練班新人」，沒想到現在成了拍檔：「嗰陣我哋一齊去個船P，係人哋生日，成架船好多人，但偏偏得佢一個係TVB嘅人（雖然嗰陣我唔知佢讀緊藝訓班）。嗰陣我哋傾得最投契，因為仲有另一個女仔係做Model嘅，所以我同佢哋識咗好耐。」曾錦燊加入《東張西望》後，陳庭欣笑指很多人以為是她推薦曾錦燊加入，但原來是另有其人。 陳庭欣笑稱曾錦燊有時會出現懶散狀況，所以自己負起了「教官」責任，經常捉住他練配音（Dubbing）：「佢配得唔係幾好，所以我會嚴厲啲，負責鞭策佢！」被問到與曾錦燊會否有發展的機會時，即「耍手擰頭」指：「佢太小朋友啦！而且佢諗嘢好清晰，佢呢代人話：『我鍾意自己多啲，唔想拍拖住。』佢話要專注事業，極度愛自己。」 提到早前在頒獎禮上，林盛斌（Bob）在台上公開要為她介紹對象，甚至傳出對方身家過十億。陳庭欣聽後不禁大笑，直言當時被阿 Bob 嚇到：「好感謝佢咁關心我，但緣分真係冇得強求。阿Bob話介紹人畀我識，我當然開心，亦唔會抗拒，當識個朋友囉，但我而家心理上其實未Ready好。」她表示現時享受單身，搬回黃大仙居住後生活簡單樸實，反而更能專注事業。至於現在有沒有人正對她長開追求？ 陳庭欣則表示：「暫時呢刻我唔覺得有，就算有，我都未Ready好。」 #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#