胡枫近日接受无线网络节目《电视城内》访问，节目中纪录了他在电视城的一日，直击他化妆、梳头、食饭、见朋友，期间他也跟主持深情对话，透露当时由电影圈跳入公仔箱。加盟《欢乐
胡枫近日接受无线网络节目《电视城内》访问，节目中纪录了他在电视城的一日，直击他化妆、梳头、食饭、见朋友，期间他也跟主持深情对话，透露当时由电影圈跳入公仔箱。
加盟《欢乐今宵》的原委：「有一日我喺餐厅食嘢，谭炳文话你有冇兴趣做电视，我话有兴趣又点、冇兴趣又点？佢话嗰面有三个高层想同你倾吓偈，咁我咪倾吓偈囉，佢话『你做《欢乐今宵》好唔好呀？』呢种新尝试我又想做吓，结果就入咗去《欢乐今宵》。」
昔日在影坛做男主角，到电视台却做绿叶，胡枫最初都难适应，不过太太说：「你既然锺意做，又咁多年经验，就唔好嘥咗佢啦，锺意做就做啦，冇所谓嘅！」他也因此调节好心态，不觉得冇主角做是甚么遗憾，有角色就做好佢，愈忙愈开心，更试过住院期间都要「越狱」偷走出去拍摄，结果医院四处找他。
胡枫太太吕咏荷在2016年离世，及后由于他跟罗兰姐常常在节目中演一对，私下又老友，常常有「黄昏恋」消息传出，「胡枫娶罗兰」更一度成为内地网上平台热搜。
他对此表示：「真系都唔知点嚟，传咗几年，传到依家都传紧。不过唔紧要，93岁都仲有新闻好难得㗎喇！听讲呢个消息系大陆传出嚟，即管传落去啦，多啲新闻仲好。」
而另一个传闻，则是他武艺了得，曾跟李小龙曾切磋，他说：「李小龙同我一齐嘅时候，他成日叫我打佢，但系当我一郁手嘅时候，佢可以避，所以我冇打过佢。（你唔系李小龙嘅演技指导？）网上嘅嘢真系唔好完全信晒呀！」