49歲簡慕華素顏近照凍齡狀態驚人 曾與金牌監製傳緋聞多年 現擁有幸福婚姻 簡慕華於2000年參選香港小姐競選，縱然三甲不入，但仍被TVB賞識簽約入行，亦憑清秀樣貌獲封「翻版王菲」。簡慕華曾拍攝《同事三分親》、《金枝慾孽貳》、《火舞黃沙》、《心戰》、《師奶 Madam》等劇集，不過都係屬於配角角色，亦從未得到任何獎項，直至2017年，簡慕華與低調拍拖多年嘅男朋友結婚，同年恰巧與TVB完約，毅然離巢，隨老公移居加拿大，偶爾喺社交平台分享生活點滴。近日，簡慕華PO出一張近照掀起網民熱議。照片中，簡慕華身穿白色運動上衣，披上外套並戴帽子，素顏出鏡嘅佢手捧一杯軟雪糕，臉上洋溢著愜意笑容。網民紛紛留言激讚簡慕華狀態驚人，皮膚白滑，完全唔似49歲之齡，惹人羨慕；有網民更笑言幸福婚姻果然係最好嘅保養秘訣，令其氣色紅潤、神采飛揚，又有網民期待簡慕華可回港拍劇。 簡慕華於婚後逐漸淡出幕前，直至2021年喺老公支持下，重返香港拍攝ViuTV劇集，2023年考獲寵物美容文憑；網民對於簡慕華喺《大叔的愛》、《940920》和《百萬同居計劃》等作品演出十分滿意，大讚演技依然精湛，成功喚起觀眾對佢嘅喜愛與關注。簡慕華喺認識到老公之前，其實曾與金牌監製戚其義傳緋聞多年，二人曾多次合作，自從合作《鐵翼驚情》後，簡慕華幾乎成為戚其義嘅「御用女角」，包括《火舞黃沙》、《天與地》、《心戰》等經典劇集，又曾被拍到私下約會，不過，二人多年來始終否認緋聞。 #港剧推荐[话题]# #港剧分享[话题]# #港剧经典[话题]# #tvb港剧[话题]# #港剧[话题]# #tvb[话题]# #TVB港剧[话题]# #简慕华[话题]# #薯条[话题]# #薯条助手[话题]#