劉溫馨承認主動向龐景峰提分手兩年情斷 男方曾透露有求婚計劃 前港姐劉溫馨與錢小豪兒子龐景峰於2024年公開認愛，一直高調放閃，其戀情更進展神速，不但屢次被拍到十指緊扣出雙入對，龐景峰於去年透露已有求婚計劃，當外界一度以為好事近，二人於情人節後齊齊於社交平台發文暗示戀情玩完；其中，劉溫馨一句「回歸一個人的簡單」，龐景峰則寫道：「不可取替的關係中，彼此認定的專一、彼此等待的渴慕、彼此相屬的期盼。」隨即，唔少食花生嘅網民開啟福爾摩斯模式：「講專一？呢個timing真唔單純！」、「感覺有人唔太老實！」引來網民估計二人已分手並展開「誰先放手」嘅話題。 劉溫馨於昨日（25日）現身旺角出席活動，終於親口證實與龐景峰已分手。劉溫馨接受媒體訪問坦承係自己提出分手，分開呢個決定係經過心思熟慮，认为與龐景峰性格唔係好夾，覺得分開會好啲。劉溫馨亦覺得大家一齊感情嘅嘢就係兩個人嘅事。被問到會否與龐景峰保持朋友關係，劉溫馨笑得有點無奈，直指呢一刻好難講，但就祝福對方：「呢一刻好難講，不過我祝福佢。」至於與「前未來奶奶」郭秀雲關係，劉溫馨就婉轉回應，表示感情係兩個人嘅事，唔想多講及牽涉其他人。 cr：yahooentertainment.hk #港剧推荐[话题]# #港剧分享[话题]# #港剧经典[话题]# #tvb[话题]# #TVB港剧[话题]# #tvb港剧[话题]# #庞景峰[话题]# #刘温馨[话题]# #钱小豪[话题]# #郭秀云[话题]#