現年75歲資深藝人李龍基同細36歲Chris 王青霞曾譜「爺孫戀」，喺上年12月基哥向傳媒親揭二人已正式分手。飽受情傷嘅基哥，最近情傷未過卻又墜騙局，更要去警署報案，認真頭痕！ 基哥接受傳媒訪問時，指自己喺2024年9月獲A電訊公司通知可免費獲贈一部iPhone 16，身為30年長期客戶嘅佢未有諗太多就接受，仲一直用緊獲贈嘅電話。誰不知去到上月底，佢就收到B電訊公司寄畀佢嘅欠款信，又收到B電訊公司委託嘅收數公司多次致電追討合共＄21,500欠款！ 基哥之後親自去到A電訊公司查詢，就發現有一份同B公司嘅合約，上面亦有佢嘅簽名。基哥見到後否認自己曾簽過呢一份文件，懷疑電訊公司員工盜取佢喺平板電腦上嘅簽名，再印喺其他合約當中，而據知涉事員工已經移民。 基哥覺得事態嚴重，就到元朗警署報案落口供，將假合約、追數公司資料交畀警方作調查，亦計劃尋求消費者委員會協助，佢亦表明事件完結後勍唔再用A公司嘅服務。 #李龍基[话题]# #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#