【点新闻报道】歌手吴浩康（Deep）近为养家转行做地盘工人，获网民赞是「职安真汉子」，之后更荣升棚架工程公司老板。他日前于社交网拍片分享近况，指自己仍有做搭棚工作，现在不用落手落脚做，不过就负责睇位、报价及安排人手，压力大过以前好多。
Deep戴上建筑安全帽，穿上工服现身地盘准备开工，他表示最近有不少人问他还有没有做地盘，Deep回应指：「其实又点会唔使做，我都仲有做搭架慨工作，分别系以前打人工慨时候就要落手落脚去做，而家就唔需要，不过就负责睇位、报价、安排人手，最重要当然系顶数啦，而家慨压力大过以前好多。」
提到公司已成立一周年，Deep说：「呢一年入边真系好多学习同挑战，讲真我喺呢个行头时间唔长，好多嘢都系边学边做，但真系好多谢一路上支持我慨朋友同客户，令到我可以成功渡过唔同慨挑战。」
最后，他许下2026年愿望，希望日后可以继续有生意做，又祝大家工作顺利。不少网民都留言大赞「型男man爆」、「有膊头真汉子」、「靠自己带出一片天」。
惟有网民质疑Deep唔识搭棚架，「架都唔识搭学人开公司，迟早又跌死几件」，有网民就替Deep 辩护，指「架系跟图搭架！structE 批架，仲要收货架！你识唔识架」Deep 亦有回应：「解释得好清楚，谢谢」。