已故天后梅艳芳的胞兄梅启明昨日（6日）爆出婚讯！他宣布与泰籍女友May May再婚，预告将于周四（10日）举行记者招待会，公布摆酒及婚宴详情。他说：「本人梅启明计划于今年龙年在中式酒楼大摆筵席，摆喜酒结婚！」
不过，今次记者会还有另一个目的，他原来希望透过传媒寻人，联络梅妈见证他的婚事。他公开呼吁母亲梅覃美金（梅妈）和侄仔梅柏麟联络他，表示希望母亲大人「拍板」筹备整个婚礼，例如：日期、酒楼、出席嘉宾、食物菜单、流程等。
虽然梅启明称梅妈很支持他结婚，已恨了好耐，又曾送价值十几万的名贵手镯给May May，以表示认可二人，不过2母子其实已经好耐冇见面，呼吁公众帮他搵梅妈。梅启明以往曾怒轰梅妈的近身看护是「魔鬼护士」。
但他向表示，早前在街上偶遇对方，对方向梅启明透露被其侄仔辞退：「我侄仔炒咗佢之后，趁我返工嘅时间搬咗阿妈走，冇地址搵到佢。咁啱在街，上个月撞到佢（看护），佢叫我埋一边倾偈，嗌我快啲搵阿妈，因为佢依家都唔知佢搬咗去边度，佢话妈妈依家个处境比较危险，妈妈好想见我，同埋我嗰个未来新抱，即系我泰国太太。」
他指自己非常担心梅妈处境，打算悬红寻母，甚至是设立热线，他说：「整一个热线，透过你哋寻找妈妈，我会出少少哋一个心意，等啲市民帮手搵，咁就快好多。」讲到上次见梅妈是何时，他说：「咪出院嗰日啰，我意外出院嗰时。」不过当日其实他并没有成功见到梅妈，因为院方说梅妈拒绝接见，换言之二人上次碰面已是至少两年前。
问到若最终仍未能联络到梅妈，是否会照样进行婚事，他说：「收（埋）得几耐吖？邪不能胜正。佢系我阿妈，你有咩本事去收埋佢？好似骑劫咁样。」他透露会悬红畀市民帮手搵梅妈：「第一，我唔希望佢老人家有咩事；第二，佢都一把年纪；第三，我希望佢真真正正同我主持呢个婚礼，呢件亦都系大喜嘅事。」
如果佢唔现身，你系咪都照举行呢：「佢冇得唔现身，我一定要佢现身！无论任何方法，就算少少花红又好乜嘢都好，冇嘅话出多啲花红，我出任何方法都要阿妈出嚟，希望佢见证同埋安全，最紧要安全，希望佢活多十年八年。我依家报咗案，执法人员就话依家唯一系透过在呢个方面，因为市民走唔甩，香港咁多人佢匿得边度？除非毁灭咗我阿妈啰，毁灭了都有尸骸，我唔希望老人家发生意外。」