节奏劲快嘅《企业强人》
今晚就准备VIP超前结局了啵
唔知你又追咗几多集咧
睇过剧嘅观众应该发现
《企业强人》里面嘅角色
开心饮咖啡、嘈交又饮咖啡
倾合作要靠咖啡
无聊一个人嘅时候
肯定要有咖啡
从《白色强人》到《破毒强人》
每一“强”都一定有咖啡嘅戏份
个个角色都係“咖啡强人”
参演过以上“强人”系列嘅陈豪
本身就係一个“咖啡达人”嚟嘅
佢同太太陈茵媺
都係因为咖啡结缘嘅
依家佢仲开咗
自己嘅咖啡店
好多艺人朋友都帮衬过噶
陈豪透露
自己北上拍《企业强人》时
带埋咖啡机+60包咖啡粉一起去
过关嘅时候就担心话
会被误会係“走私”因为装备齐全
同剧组嘅演员都
日日有份饮佢亲自整嘅咖啡
成日俾人话演戏冇表情嘅
过气“视帝”谭俊彦话
如果自己拍剧冇饮到“Mo记咖啡”
嗰日可能连台词都记唔到睇嚟铺“咖啡瘾”真係好大
//////////
~well~
Mo记咖啡我哋未有机会试到
但可乐君呢排就
发现咗啲搭配好特别嘅饮品
顶瘾程度可以PK下“咖啡瘾”
love嘅甜？
呢款号称係“恋爱脑”嘅饮料
係喺草本饮料中
加入咗玫瑰元素
连外包装都整成咗粉红色
佢倒出嚟嘅时候
有阵奇怪嘅香味
清爽嘅草本香被佢盖住嗮
讲好嘅恋爱嘅sweet呢
可乐君係未feel到嘅
饮料唔甜……我哋自己比个❤️❤️补数
提子嘅酥？
藤椒提子味凉茶
睇到藤椒就已经令人好期待
呢款加入藤椒做配料嘅饮品
网传饮落会有酥酥麻麻嘅口感
入口时首先被气泡水刺激到
藤椒嘅酥酥麻麻感觉？
清清爽爽嘅提子味？
可乐君就只係微微感觉到
因为饮料本身係凉茶底
草本味同果味香精唔太friend
所以整体融合度一般
奶质嘅QQ糖？
呢个牌子嘅原味牛奶
係好多大小朋友都饮过嘅
所以见到佢包装嘅时候
就对佢充满咗期待
饮料入口係熟悉嘅
香滑浓郁牛奶味
后调开始有青苹果香返场
你细细个食过同品牌
苹果味QQ糖？
係啦~呢款青苹果奶
就係两款食物嘅结合体
QQ糖嘅味道，牛奶嘅质感
菠萝够姜？
网上好多博主测评
话呢款藤椒菠萝味嘅饮料
饮咗条脷会触电嘅感觉
舌尖会酥酥麻麻
饮落口之后发现
佢嘅菠萝味抢晒风头
饮品好似菠萝啤咁香甜可口
藤椒带嚟嘅“麻”就真系麻麻地
怕辣嘅朋友都可以放心饮
因为佢属于有气饮品
入口会有气泡水嘅刺激
有朋友仲唔以为佢
係甜姜味嘅饮料
可乐最jeng
唔少人都觉得
沙市汽水係可乐+风油精嘅味道
所以见到呢只
藿香正气水+可乐嘅成品
都怕佢会有藿香辣口嘅感觉
饮料未雪过落冰箱
所以入口有啲刺激
气泡冲击舌尖
係好强烈嘅可乐味
饮完一阵之后会回甘
令口腔充满淡淡嘅草本清新相信加冰粒或者冷藏之后
呢款藿香可乐会成为
大热天解暑神器
//////////
唔知大家对边一款感兴趣咧
“视帝”想戒甩Mo记咖啡瘾
又适合饮边一款呢
资料来源：微博、剧照
网络综合整理
测评图片：郭玮
编辑：郭玮
一审：曾敏妍二审：董华海
三审：骆 苹
【微店】羊晚文创线上商店
【邮政】中国邮政微邮局
【淘宝】羊晚生活馆
都可以订阅《可乐生活》
▼▼▼
一次过get可乐报详细内容