艺人叶茜文将录制无綫恋综节目，自爆一直不乏富二代追求的她，直言外表不是选择的重点，最紧要是能与自己共同体验人生，就算凸腩、眼细细都无问题
冻龄有道。
叶茜文（Sophie）早前宣布回复单身，随即获邀与关嘉敏、罗毓仪等参与无綫恋综节目《女神配对计划》。节目将于月底开拍，Sophie笑说：“多谢公司畀我攞正牌去沟仔，哈哈！由于监制想捕捉我哋到时嘅真实反应，依家乜都未知。我睇咗韩国嘅《单身即地狱》，有男女配被安排同房，搞到好忐忑。不过我份人锺意玩又百厌，即使到头来搵唔到另一半，可以认识唔同行业、其他国籍嘅异性，觉得都几得意。”
样靓身材正。
谈到择偶条件，拥有出众外表的Sophie自言绝不奄尖：“我对另一半嘅外表系冇乜要求嘅，唯一系对方要眼细细。外界公认嗰啲似公仔嘅美男子我真系唔系好得，一定唔使6旧腹肌，有肚腩都可以㗎。我会觉得自己嚟呢个世界系要体验人生，一定要有适当嘅吃喝玩乐。我接受唔到另一半日日食鸡胸肉去健身，咁样淡而无味，佢唔使太克制自己，人有七情六欲嘛。”
笑容甜美。
心急生B 考虑雪卵
曾于英国求学的Sophie，豪气透露身边一直不乏追求者，当中富二代更是接踵而来，但却未曾令自己动心：“可以话我身边好多金龟婿，不过屋企有啲钱嘅好容易就有王子病，我想搵个贴地少少嘅男友，佢会对身边人多啲关爱，愿意为彼此嘅关系付出，咁先可以长久。”她直言不喜欢另一半有太强烈的事业野心，以及对金钱有过多的欲望：“我理想嘅生活条件只要安稳，唔使大富大贵，对方只要顾家就得嘞。”
五官精致。
Sophie坦言自己32岁已站在“死线”前赶生育，但又不想为结婚而结婚：“所以可能到最后赶唔切生BB㗎，但我又惊会终生后悔，都有听朋友讲，依家考虑紧系咪需要雪卵，理想中我系计划生两个嘅。”
身材玲珑浮凸。
认真可爱又甜美。
全身上下零赘肉。