大蒜就咖啡。

两天又闹猛了，什么情况？讲相声郭德纲，上海开德云社就老早，四川路群众剧场，德云社开末就开唻做生意，人家到上海做生意老正常。

讲现场，文创里向有一只掰个杯子大蒜头样子，大蒜头咖啡杯，激动，有交关人跳啦，有部分上海人跳勒，哪能呢讲掰个大蒜头杯子，挑衅上海人，因为当初周立波勿是讲过，伊拉吃大蒜头，阿拉吃咖啡，对伐讲过一只段子蛮好白相。

现在郭德纲人家到上海来啦，证明大蒜头占领上海勒，嘣嘣嘣喷勒一大堆，还有部分北方朋友，伊觉着老得意个，侬看那上海有啥花头啦，阿拉大蒜头开始过来占领，对那咖啡也勿屑一顾，我现在觉着噢全是过份解读，本生就是挑起地域矛盾啦，呒没必要个郭德纲到上海来，市场行为。

讲句难听点，侬上海个剧种，侬也好开到外地去，侬呒没能力呒没办法，再讲人家呢掰个相声，言话高头，占优势侬沪语末出去末听勿懂掰，本生就是有局限个北方文化，南下又勿是第一趟，那看看上一世纪多少北方个戏曲剧种，南下啊本生就是上海，现在种地方，大量个外地朋友进来，真正个上海人现在多少啦，像阿拉种坚持来讲上海言话个，又有多少啦，人家大量个人下来，伊拉也要有娱乐活动，个上海本生年纪轻，个人上海言话也勿讲唻，掰本生是时代变迁造成个结果，用勿着吵来死个。

再讲本生，阿拉上海个掰眼剧种，包括阿拉现在诟病最多个滑稽戏，甚至于我要讲个包括像沪剧搿种剧种，本生也勿出人个掰，十几年廿几年有啥个新个人才出来，有啥个新个节目出来伐，呒没个上海个文化噢，包括只电视台佛，又看得出掰个十几年廿几年，一直是老保守个老固步自封个老自家小圈子个。所以我觉着像北方种相声，甚至于脱口秀种节目下来，冲击冲击掰一潭死水，也是蛮好。

上海掰种地方已经成为后花园唻，爷娘子女，夫妻老婆有关系个全朝里向塞，真正个有创作型个人才有表演型个人，才有伐上海掰个掰只圈子噢，实际上已经一潭死水。所以要去怪人家北方种剧种过来，对侬造成个冲击。本生自家掰头人家勿过来，侬也要死脱唻，侬棵树已经烂脱唻，对伐再讲唻。

当初辰光周立波也是昙花一现，周立波掰只物事出来，所谓个海派清口，也是自家帮自家封名号头，个伊物事伊介于勒。当初就是脱口秀独角戏，之间无非用上海言话来讲脱口秀，而且讲句难听点言话，阿拉现在再回过来讲，周立波个文化素养，现在看下来，包括伊个团队跟德云社比起来，还是比较差。

当然人家有交关人垃骂德云社，阿拉勿帮德云社讲好言话噢，但是德云社介许多年走过来，到今年要走到30年勒伐，侬周立波只出来多少辰光，几年辰光就呒没唻。至于伊拉掰趟弄个大蒜咖啡杯，是虹口文旅弄个还是德云社弄个，我觉着全勿是啥问题。

上海人勿是讲全勿吃大蒜，个西餐里向交关菜也有大蒜，个只是一种比喻，粗俗与精致个生活之间一种比喻，懂个全懂个。但问题侬上海侬现在掰种剧种是勿是，就像周立波讲个像咖啡一样，也勿是个独角戏，本生也是市井文化个物事，也有点粗俗个掰点，依勿得勿承认，个垃掰高头讲掰只大蒜头杯子盛，所谓个曲艺搿种咖啡是最合适勿过勒，所以上海人用勿着跳脚，个北方朋友呢，侬也用勿着开心，并勿证明侬大蒜赢勒。

咖啡只是讲垃，阿拉现在种环境下头，北方交关个曲艺个剧种，占勒方言上个优势，然后整个个环境，阿拉讲整个个社会环境个变迁，确实是有点粗俗化跟低俗化，掰也是掰种，曲艺类节目大兴其道能体现出来。

谢谢观看，Thank you！