JJ話好掛住香港 以華富邨UFO 傳說為題材的港產片《再見UFO》，日前舉行群星好友場，久未露面的JJ賈曉晨與戲中丈夫杜德偉亦有現身，與一眾演員分享感受。 JJ賈曉晨受訪時仍然心情激動，她坦言，「個心係平復唔到落嚟，好緊張，好感動。」原來電影情節令她回想起自己人生，在事業發展得如日方中之際，選擇淡出幕前與樊少皇結婚，「好似呢個故事講緊自己咁。曾經有好長一段時間，我覺得自己係咪揀錯咗路？我明明有好好嘅事業，放棄咗去生BB做其他嘢，係咪唔啱呢？我都問過自己。」不過，如今已想通了，無悔當初決定，「如果我返番去當時嗰個時候，我都會同自己講，你揀得啱！畀我揀一百次，我都會揀呢一樣。 自從結婚生女後，JJ賈曉晨主要都留在內地拍戲與生活，但香港的地位始終無可取代：「其實香港電影圈先係我由入行開始做嘢嘅地方，呢個係我嘅『家鄉』嚟㗎！」她回想幾年前因疫情封關肆虐，無法返港，曾向老公哭訴思鄉愁緒，「疫情嗰幾年，我直情係喊住叫，我都想返香港，我真係好掛住你哋呀咋陣時！」適逢《再見UFO》重見天日可上映，JJ直言希望未來能有更多機會在香港拍戲，被問到可會接受與老公夫妻檔拍戲會時，她即刻搞笑回應：「唔會怕醜！會報仇添呀！喺電影入面咩都可以做，到時係我有兩個老公，幾多個老公都可以！」 #香港电影 #港剧推荐 #港剧分享 #港剧经典 #港星 #再见UFO #贾晓晨 #樊少皇 #薯条 #薯条助手