黃文標連日忙於出席《尋秦記》謝票，他笑言謝票最多是李斯陳國邦，經驗豐富；至於他本人，謝票之餘，也忙於打理摯友游颷的環保工程公司，並協助其妻女辦理游颷後事。 游颷出事前毫無徵兆，突然滿頭大汗 未幾半昏迷 游颷猝逝，黃文標表示：「老友走咗，佢又係我老闆真係覺得生命好脆弱⋯事發好突然，由出事到入院，其實講緊半個鐘頭左右，但已經陷入昏迷。」 「最初係完全冇任何先兆，我準備收工，佢挨住我，『喂標標，入一入嚟，傾兩句。』話介紹個客畀我識。個客係TVB以前新聞報同事。我入房之後傾咗唔夠五句說話，佢就伏咗喺度；當時我仲講笑咁講話：『你好眼瞓呀？』佢話唔係呀，我好唔舒服。 「再講多兩句，佢就話唔得喇，你幫我call白車⋯白車未到，佢已經滿頭大汗，陷入半昏迷狀態。我哋兩個夾手夾腳拍佢、嗌佢，佢都冇反應。」他稱當時999報案中心教他們將游颷打側身放在地上，等待白車來到。」惟游颷送院後一直昏迷，延至上月24日離世。 最擔心老友女兒，黃文標謂，游飀平時身體健康，並無任何不適，一切來得很突然。好友離世，黃文標難免勾起以往不少回憶，但最掛心是好友女兒「游菜」游鎧玥，「我哋一班朋友都好擔心佢個女，得11歲、準備升中學。」他謂游太跟女兒都非常堅強，沒太大情緒波動。 至於游颷後事，黃文標稱有通知古天樂及演藝人協會，「協會今日通知我，話會做帛金、花圈過去，至於進一步暫時末知。」「佢（游颷）好彩就係有一大班好朋友，所有後事都幫佢處理緊，亦安排咗21號世界殯儀館守夜（設靈），22號出殯。」市民亦可到來致祭。 確診患初期柏金遜，早前黃文標表示因為經常手震，求醫後，初步確診是初期柏金遜，「而家試緊啲藥，睇吓啱唔啱，同埋排期做MRI（磁力共振），但你見我而家左手都震，喺度打緊拍子（笑）。」續說：「行動慢咗囉，因為我發覺嘅時候，除咗手震，就係行動慢咗好多。」又稱曾迷失商場。《尋秦記》電影版上映，令他人氣翻Hit，卻在此時確患柏金遜，他自言孤家寡人，沒有任何負擔，亦睇得好開：「生死有命」 #港剧推荐[话题]# #港剧分享[话题]# #港剧经典[话题]# #tvb[话题]# #tvb港剧[话题]# #港剧[话题]# #TVB港剧[话题]# #黄文标[话题]# #游飚[话题]#