喺過去嘅一年，我結咗婚，仲生咗個女！做咗近三個月嘅申爸爸，感受真係多到爆！如果人生係一場遊戲，單身嗰陣我覺得自己都幾好，工作穩定，有過啲成績，自己同父母都健健康康，呢個遊戲玩得幾好！但結婚後，我發現呢個遊戲突然难咗好幾級！ 愛情唔係淨係得個講字，真係要行動，伸要一齊維繫感情。結婚後更要實踐一生一世」嘅承諾。小Isla 出生之後，感覺就更加強烈，難度又再升Level！ 養小朋友真係有「養兒一百歲長憂九十九」呢句說法，完全中！各種計劃、擔心不斷湧現，唔只係我，伸有我太太一齊經歷。令我覺得未來呢個旅程係一定會更加刺激，心入面緊張得來，又充滿期待！每個人都有唔同選擇去過人生，單身，就係將「自己」活出極致，結婚生小朋友，就係將「我」變成「我們」。 我個女Isla叫方愛嘉，我哋係先改英文名，然後再改中文名。揀「愛」字係因為我屋企房間門口有兩幅書法分別係「愛」同「家」。對我嚟講，家庭係最重要，「愛家」係我生活嘅重心。而且「愛」嘅普通話發音又可以同Isla呼應。至於「嘉」字，係老友陳定幫師傅幫我哋改嘅，發音亦係同「家」字一樣。 講到我地嘅家庭 Family,F代表Fong;A係Alex,M係Maple,1係Isla,L係未來嘅寶寶，Y係Yip，既然中英文意思都咁夾，所以就乾脆叫佢愛嘉啦！Isla愛嘉，爸爸今日嘅願望就係希望妳能夠一生平安、健康、快樂！（其他就隨緣啦） 想起了sa姨[笑哭R][笑哭R][笑哭R][笑哭R] #港剧[话题]# #港剧经典[话题]# #港剧推荐[话题]# #港剧分享[话题]# #港剧[话题]# #港剧tvb[话题]# #TVB港剧[话题]# #方力申[话题]# #方力申與女兒的日常[话题]# #方力申叶萱[话题]#