為《尋秦記》電影版客串嘅鄧一君，雖然已經告別幕前多時，但早排都有為電影謝票，令佢再次成為討論對象。轉行做保險多年嘅鄧一君，早前喺facebook 自揭曾經健康出事，「做咗爸爸之後，我先知乜嘢叫”用健康換錢”。睇返啲相，由佢（囡囡）出世開始，負擔愈嚟愈大，我就愈脹愈殘，去到180磅，瞓幾多休息幾多都係攰，成日覺得個胃頂住。以為個胃出事，點知係個肝，嗰下真係驚，自己做保險，成日都幫其他爸爸因為個肝而 claim錢，如果換咗我有事，個女點算？」。後來鄧一君靠食保健品調養身體，再驗身時肝指數已經返去正常水平。 鄧一君曾經係港台教育電視常見演員，9歲開始已經參與演出，到1994年更被邀請成為《記得⋯香蕉成熟時》男主角楊醒波少年版，並憑該片獲提名香港電影金像獎最佳新演員。後來鄧一君加入TVB，拍過《五個醒覺的少年》、《美味天王》、《烈火雄心》等劇集，並於《烈火雄心》演古天樂嘅智障弟弟劉海寶。2004年嘅《情迷黑森林》成為鄧一君最後一套TVB劇集，後來佢轉行從事保險行業。 2019年鄧一君喺油麻地開車仔麵店，老友古天樂百忙中都抽空落去鋪頭試食俾意見。不過鄧一君呢間食店最終因為疫情等因素結業，最終蝕咗2百萬。 #邓一君[话题]# #寻秦记[话题]# #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#