近年TVB 自家劇數量銳減，唔少藝員喺曝光率急跌之下都有意外闖。早前度過35歲生日嘅視后蔡思貝，一路都有傳佢謀定後路，更傳出思貝自薦成功參演周星馳新片《功夫女足》。有網民發現，蔡思貝IG嘅工作聯絡方式，由過去同TVB經理人聯絡轉為「私訊查詢」。由於過去唔少藝人咁做之後都宣有離巢，令蔡思貝離巢之說更加似層層。 而喺日前嘅「賀壽 post」，蔡思貝寫道Red for rebirth. Chrome for clarity. Black for the fire's shadow. This year, the story beginsagain.（紅色代表重生，金屬色代表清晰，黑色代表火之影。今年，故事重新開始），令網民揣測思貝係咪有咩大轉變。不過喺TVB 官網嘅藝人名單上，蔡思貝仍然榜上有名。 2013年參加港姐並獲得亞軍嘅蔡思具，入行3個月就被安排入劇組演出《八卦神探》，而且唔係閒角。蔡思貝好快就備受TVB力捧，甚至跳過「飛躍女藝員」獎項，2017年以《踩過界》癲姐一角獲得「最受歡迎女角色」，更於2020年再以《踩過界II》榮登視后。但高峰過後無以為繼，近年蔡思貝演出作品量明顯減少，上一部劇集已經係2024年播出嘅《飛常日誌》。過去TVB 同唔少藝員先簽5年約，到續約時年期多數有8-10年，假如估計正確，蔡思貝呢一兩年都好大機會約滿，唔知TVB會唔會留到人？ #蔡思贝[话题]# #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#