歌手何雁诗（Stephanie）近日推出新歌《无人岛上跳舞》，入行17年后首次在MV中挑战跳舞，她在网上留言自嘲「跳到身体变X形」，而新歌亦是她送给自己的礼物，由最初一个概念到最后由亲

歌手何雁诗（Stephanie）近日推出新歌《无人岛上跳舞》，入行17年后首次在MV中挑战跳舞，她在网上留言自嘲「跳到身体变X形」，而新歌亦是她送给自己的礼物，由最初一个概念到最后由亲手监制歌曲，冀盼乐迷会喜欢她这首心血之作。

而努力发展音乐事业之余，阿诗亦忙照顾患有天使综合症的仔仔郑赞廷（Asher），早前她一家三口外游，又将旅程片段上载网上，纪录刚满3岁的Asher搭飞机过程。片中Asher对机舱上方屏幕播放的安全须知影片深感兴趣，兴奋到拍前面的椅背。

有网民看见Asher拍打椅背后，质疑会滋扰其他乘客：「坐在前面个人真系多得你唔少！父母唔应该楝这些位」，阿诗就留言回应，指前面座位的乘客正是Asher的外婆、阿诗的妈咪，暗示没收到投诉，亦有网友建议「好心就拣第一排啦」，她再大方回应：「咁当然最理想，可惜订机票时班机已经爆晒」，全程有问有答，相当有礼貌。

另外，艺人「Benz雄」许绍雄去年10月底因癌症逝世，其独生女许惠菁（Charmaine）近日与好友何雁诗一齐喺网上节目谈及近况，两位喺父母呵护下成长嘅温室小花，突然面对各自人生大课题，佢哋都互相欣赏对方。

当中Charmaine去年返港做甜品烘焙顾问，坦言冇谂过年尾打乱咗原本计划，对于爸爸离开系好难接受，要扮冇事嗰一刻系最难，又觉得被逼住喺短时间成长，感觉唔太舒服，仍未习惯爸爸已经唔喺度，依家承担住爸爸嘅角色去照顾屋企，更哽咽话每日情绪好似坐过山车咁，一时自己系正正常常、一时就想喊崩溃。

佢又提到契家姐佘诗曼喺访问讲过需要保持专业，唔会带住情绪去做嘢，所以佢尽量唔会成日留喺屋企，努力工作同见朋友。佢称爸爸许绍雄系一个好负责任嘅人，有好多嘢都系爸爸走咗之后，先由其他人口中得知，譬如许绍雄生前喺工作上尽力配合幕后同事度期，唔迟到唔改期，爸爸嘅工作精神就系无形资产，令Charmaine好想掌握与学习，同时感到骄傲。

同样温室长大、又系家中独女嘅何雁诗，好多屋企嘢唔使理，面对仔仔Asher一岁半时确诊患上罕见遗传病「天使综合症」，佢觉得要喺新心态去搵快乐，获Charmaine大赞何雁诗好劲，乐观面对阿仔嘅病，帮Asher成长。何雁诗话系要学识「煮到埋嚟就食」，点去面对系自己选择，尽量对自己情绪要宽容，唔好逼自己要有一日系完全开心，应该要时间去顺其自然，仲笑指二人应该喺屋企饮完酒就爆喊一场。