「长腿女神」连诗雅与老公婚后更恩爱，有女万事足的她，除了精神上支持老公外，甚至金钱上亦愿意全奉献，坦言不介意「养埋老公」；笑言嫁对方只是贪靓仔，更自爆有套婚姻保鲜法，杜绝「

「长腿女神」连诗雅与老公婚后更恩爱，有女万事足的她，除了精神上支持老公外，甚至金钱上亦愿意全奉献，坦言不介意「养埋老公」；笑言嫁对方只是贪靓仔，更自爆有套婚姻保鲜法，杜绝「小三」乘虚而入。

37岁的歌手连诗雅（Shiga）结婚近3年，婚后育有一女，夫妻感情更胜拍拖时，早前Shiga推出新歌《人生使用说明》及《限量版》时接受本报专访，自认非世上最伟大母亲，强调不会为家庭放弃事业，不过她不讳言：「我好易焦虑，如果只系凑女唔做嘢就会癫，我亦有好多嘢想试，以前好恨拍爱情小品，依家唔会接，唔关人妻身份事，只系经历过人生嘅甜酸苦辣，已经冇可能做番最天真无邪嘅自己，现实系好残酷嘅！」

虽非满分妈妈，但Shiga一定是「老婆世一」，讲到明可以「一妇当家」，支持老公为钻研角色而停工两年，她豪气地说：「支持佢做任何事，养埋佢都OK，佢有钱时再养番我，我最唔锺意喺感情上讲钱，呢个世代冇边个应份养边个。（结婚唔系想佢养？）梗系唔系啦，嫁佢系因为佢靓仔，哈哈哈，佢养我系Bonus。」又指以前心目中的理想伴侣是成熟男，更觉得靓仔冇本心，但老公却打破其设定，给予她安全感。

主动互报行踪

说到另一半靓仔，Shiga被问到可担心老公抵受不住诱惑而出轨，她表示不会想假设性问题，对自己亦有信心，她觉得：「我拣得呢个老公就知佢唔会伤害佢好珍惜嘅人。（佢真系咁乖？）至少畀我睇到系囉，唔好畀我知道唔系！当然，我好爱佢先同佢结婚，会好好维系呢段关系同感情。」

问到可有在老公身边设「线眼」提防「小三」？她称没有刻意，只是和老公的同事一向保持联络，况且夫妻间有爱情保鲜法：「佢去到边都会主动同我讲，正如佢都会知我做紧乜。个女系好重要，但唔会因为生咗女而忽略对方感受，拍拖至今，我哋每朝或瞓觉前都会同对方倾偈。」

来自单亲家庭的Shiga明白「世事无绝对」，所以早已安排后着，不讳言将来无论发生何事，都能确保自己及女儿活得好，因此她更要在事业上干一番成就，而另一原因是希望成为女儿的Strong Mom：「我读书时曾经被同学欺凌，但我好『鹌鹑』唔识同老师讲。（系咩欺凌？）精神上，未至于郁手郁脚，所以我要变强，做个好榜样畀个女睇。」