跑友攜同殉職消防員何偉豪號碼布 完成半馬比賽 未婚妻Kiki 「肥佬，第一次就跑半馬，好叻仔，我哋又一齊完成咗啦」 接過消防員公仔慟哭 #宏福苑 大火殉職 #消防隊目（追授）#何偉豪 未婚妻 #Kiki 去年除夕撰文感謝航空公司安排，帶著代表另一半的猩猩公仔上機，完成原先約定好的二人大日子。昨日（18日）#渣馬，Kiki再次得到熱心跑友「何胖跑步會」幫助，帶同何偉豪的號碼布與何偉豪照片完成 #半馬 賽事。 Kiki在社交網寫道：「喂喂…肥佬，第一次就跑半馬，好叻仔，我哋又一齊完成咗啦～」跑友衝過終點一刻，高舉何偉豪的號碼布，KiKi接過跑友送上消防員公仔慟哭，跑友們亦一齊着起代表何偉豪的隊員編號「18469」在維園合照，場面感人。 開跑前，大會廣播悼詞：「喺我哋開跑之前，進行一個悼念儀式，上年11月底大埔宏福苑發生大火，大會深感哀痛，喺呢次救援行動當中，消防隊目何偉豪不幸殉職，今日，佢嘅同袍會帶住佢嘅號碼布參加賽事，為哀悼大埔宏福苑火災，為留下來嘅人士，喺賽事開始前，請大家一齊默哀！」全場跑手拍掌向何偉豪致敬，並低頭默哀。 負責致悼詞的人，亦在kiki的帖文留言：「我喺起點去讀呢段默哀稿前，練咗好多次提自己要忍住，但當聯想起同袍會拎住佢號碼布一齊跑嘅畫面，真係會忍唔住會好想喊…我喺終點見到你哋返嚟，希望你哋聽到 我哋係🎤講『啱啱有一班跑手、好兄弟，帶住佢嘅摰友完成佢未完成嘅半馬拉松，為留下來的人，完成佢嘅心願』 Keep moving forward! 加油！」 網民紛紛留言慰問Kiki：「你好叻女，繼續努力生活！何sir用緊第二個方式陪伴你」、「睇片睇到喊咗，希望你畀自己釋放曬d唔開心出嚟之後，都可以開展人生新一頁」、「好有愛嘅團隊」。 以上信息来自娱一