日前有網民在 Threads以「不如講吓你遇過最無禮貌嘅藝人嘅經歷」為題出 po，談論見過的冇品藝人，當中有人提到黃宗澤、鍾柔美、鄧麗欣等等，而TVB小生林子善亦被網民列入名單，對於自控，林子善親身留言還擊，更指得啖笑：「真心對我一啲傷害都冇」。 林子善被點名為無禮貌藝人之一，該網民說：「林子善，之前去佢間龍鳳冰室食常餐，米粉個湯好似清水健咁清，咁岩林生係到，同佢打個招呼，順手講聲個湯真係無味，點知佢一句，『係咁架啦，唔岩食下次咪唔好X 黎囉』。」不過，亦有網民大撐林子善人品好，指他：「林子善勁 nice 喎之前喺將軍澳壽司郎見到佢哋一家我跌咗嘢佢仲幫手」、「冇證據，你話隻老鼠識講嘢都得㗎啦，我喺大坑咁多年，見到子善都好Nice 同我打招呼喎」。 對於指控，林子善親身「上水」還擊說道：「喺度睇咗咁多留言！關於我嘅真係得啖笑，唔係想得失大家，而係有網民想俾我知道有人講緊我add咗我入嚟，對我一啲指控真心，我一向做人都係禮貌待人行先，睇過啲事根本都冇發生過，吹得就吹，有陣時做人唔好咁啦，真心對我一啲傷害都冇，但如果做呢啲事令到你可以舒緩吓嘅絕對冇問題，作為一個公眾人物都係娛樂下大家，但可以睇到呢啲人絕對冇接觸過我，認識我嘅人，知道我對人一向都有禮貌有家教，新聞嘅嘢有陣時我哋自己都費事越描越黑，所以不作解釋，好多都係標題黨，祝大家生活愉快，其他嘅嘢唔再一一回復了。」 其後，他再次留言續指：「其實都好兩面睇！好簡單我成日都講一個道理，正常人會睇到扶阿婆過馬路，鍾意你嘅人，仲會讚你好好又敬老又有愛心，但唔鍾意你嘅人，佢嘅眼裏便只會睇到，你扮嘢扮有愛心，再差啲嘅係呢條友係咪準備推阿婆出馬路，所以呢個世界真係好難解釋咁多，做返自己問心無愧，我嘅生活唔係為別人而生存，亦都唔係需要任何人讚頌，唔好傷害別人令人唔開心，自己同家人健康快樂已經足夠！其他嘅事鍾意點諗就點諗，正能量去面對。 #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]#