他写到： 坦白講，拎到「大灣區最喜愛TVB男主角」嘅時候，諗住…應該到呢度為止啦。所以之後坐喺度都好平靜，純粹享受個氣氛。 直到三哥行出嚟頒獎⋯心諗，好似有啲希望喎！原來，希望真係可以喺最後一刻翻生，三哥嗌我個名嗰一刻，我個心就快跳出来。 過咗一晚，冷靜返少少，但係份感動同感恩，仲係好實在。好想認真咁再講多次：多謝你呀，三哥。喺你手上接過呢個獎，意義特別大。 多謝《新聞女王2》團隊，多謝監製佳導、編劇，畀我呢個咁有得發揮嘅「賤人」角色。以前做咁多好人冇獎，做一次賤嘅就中，係咪暗示我以後條路..？ 哈哈😂 最想多謝嘅，係台下每一位睇住我大嘅前輩。志偉哥、珍姐、John哥、Liza姐等等……多謝你哋咁多年嚟對我呢個百厭星嘅包容。有時循循善誘，有時「惡言」相向，我知全部都係為我好。冇你哋，就一定冇今日嘅黃宗澤。 仲有，一定要多謝樂小姐。多謝你一直當我好似親生仔一樣，軟硬兼施，成就而家嘅我。 多謝所有同行、同事、觀眾同支持、愛錫我嘅家人朋友。 呢兩個獎，對我嚟講，係一個好大嘅鼓勵，都係一個好重嘅責任。我會繼續努力做好戲，唔會令大家失望。 感恩❤️ #黄宗泽[话题]# #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]# #港剧分享[话题]# #港剧推荐[话题]#