今日聖誕節，阮小儀剛於社交平台貼圖，公佈喜訊：「2025年 對我嚟講係一個好年份。多謝你令我人生下半場更精彩。」附上六個心心emoji，續寫道：「亦想與愛我的你們分享，多謝你們滿滿的祝福。聖誕🎄快樂」 圖中只有兩隻手，手指輕扣，分別於無名指上戴上戒指，疑是宣佈婚訊。 森美即留言貼上5個紅色心心emoji。《娛壹》聯絡小儀送祝福，她回應：「thank you」 幸福的小儀分享愛，「感謝大家的祝福我沒有特別說話補充，因為都係同大家一樣，找到自己愛的和愛自己的人就足夠。知道大家會好好祝福我，感謝。願大家都喺普天同慶嘅聖誕節 擁有愛與健康，享受生活中的每一刻！」 森美回覆《娛壹》表示，「我有去到佢哋嗰晚食飯，幾圍枱屋企人食飯，大家好開心歡度咗一個晚上。」 另不少圈中人如阿Sa蔡卓妍、193郭嘉駿等紛紛留言道賀，其中林子善寫道：「除咗恭喜之外我都唔知可以講啲乜人哋老婆辛苦啦！以後就用你的名字我的姓氏！從此以後，無憂無求，故事平淡等當中有你，已經足夠」亦有留言謂：「難怪大哥喺《早霸王》最尾請蘇師傅上嚟嘅時候，講話今年你會開花結果」 裸辭離開商台 淚謝森美： 呢啲partner 去邊度搵 今年十月底，小儀正式離開工作了三十的商業電台，當時外傳她會擔任炎明熹經理人，小儀否認，表示今次是「裸辭」。當日《早霸王》尾聲，小儀感觸說：「有好多人問，係唔係你頂唔順森美所以要走？唔係，真係唔係，我要多謝嘅完全係佢，因為佢成就咗我好多好多，我自己都唔相信嘅可能性。講真，呢啲 partner去邊度搵？」 「我都講句對唔住，我選擇離開呢度先。但我覺得我哋一定會重逢再相見，會做好多好多，令大家覺得快樂嘅嘢，就係咁喇！」小儀說畢，破涕為笑謂：「其實我都唔知自己會做乜㗎！都係嗰句，搲撈啦，森美你有嘢要我做，一定幫！」 #TVB港剧[话题]# #TVB[话题]# #tvb[话题]# #港剧[话题]# #经典港剧[话题]# #TVB好剧推荐[话题]# #经典港剧[话题]# #好剧推荐[话题]# #怀旧港剧[话题]# #百亿剧好看计划[话题]# #好看的港剧推荐[话题]# #一起来看经典TVB剧[话题]# #港剧情报所[话题]# #艺人[话题]# #娱乐[话题]# #娱乐圈[话题]# #新剧[话题]# #新剧推送[话题]# #新剧推荐[话题]# #新剧开播[话题]# #新剧来袭[话题]#