号称“电视三大奖”之一嘅
第32届中国电视金鹰奖
近日揭晓获奖名单
睇完获奖名单
网友纷纷大赞
今届“金鹰奖”含金量高
更发现近年电视节目
其实有不少高质量作品
唔知呢几部夺奖
电视剧&综艺节目
你又睇过未呢？
当晚嘅话题女王
当属赵丽颖
佢凭借电视剧《风吹半夏》
夺得“最佳女主角”奖
呢个奖项
让赵丽颖成功升呢
喜提2个“金鹰奖”+1个“飞天奖”
令佢成为“85花”中首位“三料视后”
电视剧《风吹半夏》
让赵丽颖连夺两座“视后”奖杯
亦让赵丽颖从偶像剧大女主
转型为敢于拼搏嘅女强人
赵丽颖发表获奖感言时表示
“许半夏”係佢嘅“人生角色”
喺佢最迷茫时畀咗佢信心
获奖短片中赵丽颖话
有人话佢面圆圆
唔够大气唔啱演主角
但佢靠自己嘅努力打破质疑
当赵丽颖发表获奖感言后
主持人何炅送上
角色海报同获奖短片
赵丽颖忍唔住泪洒当场
虽然大家都经常
喺典礼见到何老师
但呢次何老师嘅身份
就有所唔同
作为“台柱”嘅何炅
今届亦凭借音乐综艺
《声声不息·宝岛季》
获得“最佳电视节目主持人”
听讲何炅获奖
不少网友都“出乎意料”嘅係
何炅居然係
首次获得呢个奖项
获奖感言时何老师话
自己第一次用到获奖人嘅麦
佢表示自己唔係科班出身
30年来靠真心获得爱同肯定
除此之外
范伟凭借《漫长的季节》
击败胡歌等实力派演员
获得“最佳男主角”
呢部电视剧
之前可乐君都有同大家介绍过
62岁嘅范伟
从家喻户晓嘅喜剧演员
到依家凭悬疑片攞奖
佢一直尝试创新转型
就好似佢剧中嘅金句咁
“往前看，别回头”
典礼当晚最大赢家係《三体》
唔单止夺得“最佳电视剧”
导演杨磊亦攞到
“最佳电视剧导演”
粉丝们纷纷留言欢呼
“三体终于攞奖了”
而呼声好高嘅《繁花》
只有编剧秦雯
攞到“最佳电视剧编剧”
不过佢就同
《狂飙》《梦华录》
《去有风的地方》等8部电视剧
共同获得“优秀电视剧”
今届嘅“金鹰奖”
确实口碑作品多
无论作品还是典礼现场
都十分有睇头
唔知上面提到嘅电视剧
你最钟意边部呢？
资料来源：微博、剧照等网络信息综合整理
编辑：黄译萱
一审：曾敏妍
二审：董华海
三审：骆 苹
【微店】羊晚文创线上商店
都可以订阅《可乐生活》▼▼▼